ENGLISH

हुन्डीको कारोबार अझै पनि व्यापक रहेको भन्दै यसलाई रोक्न आइएमई जस्ता रेमिट कम्पनीले काम गर्नुपर्ने /अर्थमन्त्री जनार्दन शर्मा

janardhan sharma

पर्सा २९ जेठ ।अर्थमन्त्री जनार्दन शर्माले आगामी आर्थिक वर्षको बजेट कार्यान्वयनमा प्रश्न उठेको भन्दै हरेक क्षेत्रले आफ्नो ठाउँबाट योगदान दिनुपर्नेमा जोड दिनुभएको छ ।आइतबार काठमाडौंमा आयोजित आइएमई लिमिटेडको २२ औँ वार्षिकोत्सव कार्यक्रममा अर्थमन्त्री शर्माले बजेट कार्यान्वयनमा सबैको सामूहिक पहलका लागि आग्रह गर्नुभएको हो ।

विप्रेषण वैधानिक प्रणालीमार्फत भित्र्याउन सरकार लागिपरेको भन्दै उहाँले अवैधानिक गतिविधिलाई नियन्त्रण गर्न आइएमई जस्ता संस्थाले विशेष ध्यान दिनुपर्ने पनि बताउनुभयो । अर्थमन्त्री शर्माले हुन्डीको कारोबार अझै पनि व्यापक रहेको भन्दै यसलाई रोक्न आइएमई जस्ता रेमिट कम्पनीले काम गर्नुपर्ने बताउनुभएको हो ।

आइएमई लिमिटेडका अध्यक्ष चन्द्रप्रसाद ढकाल संस्थाले मात्रै बार्षिक झण्डै खर्ब बराबर विप्रेषण भित्र्याउँदै आएको जानकारी दिंदै यसलाई उत्पादनमूलक क्षेत्रमा लगाउनुपर्नेमा जोड दिनुभयो । अध्यक्ष ढकालले आफ्नो कम्पनीले प्रत्यक्षरुपमा ४० हजारलाई रोजगारी दिएकोसमेत जानकारी दिनुभयो ।